Aristanis, 09 de idas 2015
NO SCETTI MURRUNZUS MA PRUS DE TOTTU PROPÓNNIDAS.
SA FARSA DEMOCRATZIA ARI SDORROCCAU IS SARDUS
Corant’annos de polìtiga bona a nudda, ignoranti e tzeracca de sa bìrdia italica, fatta de politigheris e arrebuseris, anti straxinau oi sa Natzioni Sarda a essi mudara a unu populu de beccius, grugullonis e accudius.
Pagus realidadis podianta fai passus de giangallois gratzias a s’ordini, a sa cumpetèntzia e a sa organizadura cosas insoru.
S’agricultura, a parti calincuna rara eccezioni, esti inginugara puru gratzias a is sussìdius assignaus in manera sciolloriàra, chentza chi benessiri traballara una programmatzioni chi ingollessiri a su cumpletamentu de sa filera produttiva e chi fessiri commertzialmenti cumpétitiva, chi deppìara durai in su tempus, in trettu globali.
Is cosas funti stettias fattas in manera no arrexionara e presuntziosa castiendi scetti a fai torrai is contus ma inforas de calisisìara cumpétentzia de organizadura.
Oi, in Sardìnnia, teneus piccioccus mera preparaus, piccioccus chi teninti tottus is virtudis po affrontai su mundu produttivu e commertziali.
No podeus e no deppeus permitti chi cuscus balimentus lassinti sa Natzioni sarda po circai in atru logu cussu chi sa terra insoru deppiri arrennesci a d’offerri.
Sa burocrazia de su Stadu strangiu italianu teniri sa curpa manna de appettigai chini oi si boliri pigai s’impignu in sa produzioni campualimentari, sa lentesa cosa sua fairi aspreai e is ispesas tannicas e tributàrias funti mera grais, obbliganta is prus alidantzosus a s’indepirai priguntendi dinai a is bancas, dinai aggravau de interessus smannaus e a distempus, chi funti trocciduras, e chi sa torrara deppiri cumentzai innantis de tenni unu resurtau mancai pitticcu, decretendi aici, fintzas de s’incumentzu, s’accabbara de dònnia forma de produtzioni.
Sa difficultadi si poriara arresolvi si si realisara in dònnia Cumuni ( Enti chi depìara umperai sa soberania de sa popolazioni chi d’ari nomenau scioberendiddu po amministrai is interessus cosas insoru) una truma de traballu chi tenessiri cumpetèntzias tannicas e de organizadura, chi studiessiri pranus de traballu e ghiadessiri tottus is personas chi intendenti cumentzai una bia in su mundu produttivu de messartzia, avvalorendi prus de tottu s’arrénduda segundu su connottu de su logu
Su Provv. Gen. de sa Sez. Agricultura
Luisu Zucca
2015.12.09 – NON SOLO PROTESTE MA SOPRATTUTTO PROPOSTE. LA FALSA DEMOCRAZIA HA ROVINATO I SARDI